قصيدة عن الخيل

السلام عليكم ورحمة الله وبركاته
هذه قصيدة للشاعر فهد بن عبدالله أباعود.
ياعتاق الخيل لي معكم خفوق***سالبينه ماحد منكم رعاه
ارجعولي مولع فيكم شفوق***انبرا عودي وهذا اللي براه
من يلومه قايم باهل الحقوق***شايل المعروف دون احد رعاه
قلبي معاهم خاضع طبعه خلوق***أمسلمٍ دونه ومايخفي وراه
انتم اللي فعلكم دايم صدوق ***راعي القومات تسقونه دواه
يالكم صيت وقدر راح فوق***واللي تجاهل قدركم ربي بلاه
ياخمسة أرسان تعلاَها الشروق***كنز ثمين بالخلى ربي عطاه
تباشري يانجد في شمس شروق***من خشوم طويق لجبال السراة
ظفرت ياجدران في صقلا سبوق***الشعر وافي تعطر في هواه
والكحيله زينها اللي في حدوق***الكحل فيها توصل منتهاه
يالعبية انتي باشراك رفوق***يوم مشوالك تلحف في عباه
فيهن حسن عن غيرهن يفرق فروق***الله اللي أحسن خلقهن ماأبدع سواه
كم أصيل بالوغى نشف حلوق***كم دعس في حافره خشم الجناه
يوم تضرب بالفتوحات الطروق***الكفر سلم يشوف الموت جاه
من غيرنا للخيل بالعنَه يسوق***من غيرنا من فوقهن يحمي حماه
من غيرنا في فقدهن يشتاق شوق***من غيرنا يكرم كريم قد سقاه
سبحان من سرَى غلاهن بالعروق***وسخرهن لعبده وهون من سقاه
واطفى بداخل قلب وهاج الحروق***هذا الكريم الرازق العالي سماه

منقوووول من قناة الخيل

مشكور على الموضوع الرائع

شكرا لك أخي على ردك الكريم

اخوي هدا المنتدى مافيه شي وش رايك انا وياك نقعد ننشره يعني ونحطه في موا قع الخيل ويسجلو ناس فيه وتزيد المواضيع عاد خلنا نفرح مدير المنتدى

ما رديت عليي اخوي الزير

اخوي الدماني الرجاء المساهمة في نشر المنتدى